ضحيتلك كل العمر ردتك تحن لي ساعة

ضحيتلك كل العمر ردتك تحنلي ساعة

ضحيتلك كل العمر ردتك تحنلي ساعه
ونخيت اهلي وصحبتي الدارك اجوا فزاعه
شريتك يغالي بالنفس وزامطت أنا ألبياعه
تاليها كل سفنك نجن ومشحوفي لاوي اشراعه

الذيب لو نابه وقع يبقه الغدر بطباعه
وما ظنها تسحرني بعد بسماتك الخداعه
وما ظنه جرحي ينفعه لادوه ولا سماعه

علموني اليعشگ وفي وياروحه مو طماعه
مدريت روحك كالهوى تتغير بكل ساعه
للدار داير جبهتي واتقلب أبمصراعه
علموك تنسه خلتك تعيف المحب بوجاعه

يفلان چاهذا الحچي وين الوفه والطاعه
اليتعب على الدفل ايحصد لون وخضار ابقاعه
وأنت طلعت سم بعسل چن حيتن لساعه

وحتى العذلني من هجرت ايمدلي عون اذراعه
ولو تعلگ اسنينك شمع متصير ألك شفاعه
ولو تعلگ اسنينك شمع متصير ألك شفاعه